Ndihma ligjore falas, përposë qëndrave të posaçme të ngritura nga shteti ky shërbim mund të merret edhe nëpërmjet klinikat e ligjit ose organizatave të autorizuara për ofrimin e këtij shërbimi.
Në kuadër të projektit “Fuqizojmë gratë që nuk dëgjojnë përmes aksesimit të informacionit në gjuhën e shenjave” i cili mbështetet nga Agjencia Austriake për Zhvillim, ndajmë me ju videon e pestë informuese mbi qëndrat për ofrimin e ndihmës ligjore falas, klinikat e ligjit dhe organizatat e autorizuara për ofrimin e këtij shërbimi.
“Unë i dua shenjat” dhe” Unë i dua fëmijët që nuk dëgjojnë” janë mesazhet me të cilat na përshëndesin fëmijët e Kopështeve 52,56, 27 dhe 29 në kuadër të Javës Ndërkombëtare të Njerëzve që Nuk Dëgjojnë.
Njoftim për Komunitetin e Njerëzve që nuk Dëgjojnë!
Intervista për Instruktor të Gjuhës së Shenjave Shqipe, faza e dytë.
Shoqata Kombëtare Shqiptare e Njerëzve që nuk Dëgjojnë do të hapë fazën e dytë të aplikimeve për Instruktor të Gjuhës së Shenjave Shqipe, të gjithë të interesuarit të kontaktojnë në nurmin e telefonit +355 696389382, deri më datë 01 Tetor 2021.
Intervistimi do të bëhet ditën e diel më datë 03.10.2021, prej orës 10.00- 17.00.
Varianti DELTA i COVID-19, është dy here më infektues se varianti original.
Edhe nëse jemi të vaksinuar, zbatimi i rregullave anti-COVID-19, si distancimi social, larja e duarëve, përdorimi i maskës është një domosdoshmëri.
Kjo video është krijuar në kuadër të projektit: “Fuqizimi i grave që nuk dëgjojnë nëpërmjet aksesimit të informacionit në gjuhën e shenjave”, i cili mbështetet nga Agjencia Austriake për Zhvillim dhe zbatohet nga ANAD.
Festojmë sëbashku Javën Ndërkombëtare të Njerëzve që nuk Dëgjojnë nën moton: “ Festojmë Fuqizimin e Komunitetit të Njerëzve që nuk Dëgjojnë”.
Me këtë rast, ANAD ka vendosur organizimin e disa takimeve nga data 20 – 26 Shtator 2021.
Më 23 Shtator, ora 10.00 – 12.00, do të organizohet takimi me fokus “E drejta për arsim dhe komunkim e njerëzve që nuk dëgjojnë në Shqipëri: “Ne komunikojmë në gjuhën e shenjave”.
Ky takim organizohet në bashkëpunim me Qendrën “COD”. Prezent në takim do të jenë përfaqsues nga Ministria e Arsimit, Sportit dhe Rinisë, Ministria e Shëndetësisë dhe Mbrojtjes Sociale, Komisioneri për Mbrojten nga Disktiminimi, etj.
Më 27 Shtator, ora 17.00 – 19.00 do të organizohet takimi me fokus “Fuqizojmë gratë që nuk dëgjojnë në Shqipëri nëpërmjet aksesit në informacion në gjuhën e shenjave”, pranë Instalacionit “Reja”. Ky takim organizohet në bashkëpunim me Bashkinë Tiranë.
