Njoftojmë komunitetin e njerëzve që nuk dëgjojnë.

| Categories Kryefaqja
Njoftojmë komunitetin e njerëzve që nuk dëgjojnë se, duke filluar që nga dita e sotme e në vazhdim në televizionin: RTSH2 – Klan dhe Top Chanel do mund të ndiqni lajmet e ditës në gjuhën e shenjave Shqip, sipas këtij kalendari:

TV Klan = çdo të enjte, ora 19:30
Top Chanel = çdo të premte, ora 15:00
RTSH2 = çdo të diel, ora 20:00.

Ju faleminderit

Zgjedhja e Bordit të Komitetit të të Rinjve Shqiptarë Asambleja e Përgjithshme

| Categories Informacioni i KRSHND, Kryefaqja
Përshëndetje të gjithë anëtarëve. 

Ju njoftojmë se Asambleja e Përgjithshme për Zgjedhjen e Bordit të Komitetit të të Rinjve Shqiptarë do të mbahet më datën 10 dhjetor në orën 10:00 pranë ambienteve të Degës së Tiranës.

Kjo Asamble do të jetë një platformë e rëndësishme për të zgjedhur liderët e ardhshëm të Komitetit të të Rinjve, të cilët do të përfaqësojnë dhe ndihmojnë në zhvillimin e aktiviteteve dhe projekteve të organizatës. 

Ne vlerësojmë kontributin e çdo anëtari!

Faleminderit dhe shihemi në Asamblenë e Përgjithshme.

Festa e 30-Vjetorit të Shoqatës Kombëtare Shqiptare të Njerëzve që Nuk Dëgjojnë

| Categories Informacion nga ANAD, Kryefaqja
Festa e 30-Vjetorit të Shoqatës Kombëtare Shqiptare të Njerëzve që Nuk Dëgjojnë

Me kënaqësi ju informojmë se, Shoqata Kombëtare Shqiptare e Njerëzve që Nuk Dëgjojnë shënon 30 vjetorin e saj. Në këtë rast të veçantë, ju ftojmë të merrni pjesë në aktivitetin që do të mbahet më datën 26 nëntor 2023, në Degen e Tiranës, duke filluar në orën 10:00.

Në këtë festë të veçantë, do të kemi rastin të ndajmë eksperiencat e anëtarëve të Shoqatës që janë përfshirë nga themelimi i saj. Ky do të jetë një moment i emocionueshëm për të reflektuar mbi arritjet dhe përpjekjet që kanë bërë këta njerëz të përkushtuar në ndihmë të komunitetit të tyre.

Ju presim në Degen e Tiranës më 26 nëntor 2023, ora 10:00!




“Konkursi i Lojërave të Shahut dhe Hedhja me Shigjeta”

| Categories Kryefaqja
“Konkursi i Lojërave të Shahut dhe Hedhja me Shigjeta”

Për të gjithë te apasionuarit e lojërave, ju mirëpresim në garën tonë të veçantë të shahut dhe hedhjes me shigjeta. Ky është një event ku mund të shfaqni talentin tuaj dhe të zhvilloni aftësitë tuaja në këto dy lojëra të mrekullueshme.

Pjesëmarrja është e hapur për të gjithë.

Fituesit do të nderohen me çmime të veçanta.

Ju mirëpreim pranë Degës së ANAD në Tiranë me 5 Nentor 2023, ora 09:30!

Shoqata Kombëtare Shqiptare e Njerëzve që nuk Dëgjojnë

| Categories Kryefaqja
Shoqata Kombëtare Shqiptare e Njerëzve që nuk Dëgjojnë do të zhvillojë takime me komunitetin e njerëzve që nuk dëgjojnë në qytetin e Shkodër.

Një prej qëllimeve kryesore është mobilizimi i komunitetit në rrethe dhe shqyrtimi i potencialeve për hapjen e degëve të Shoqatës ANAD në rrethe.

Gjatë takimeve, synohet të ofrohet informacion rreth vlerësimit bio-psikosocial.
Përveç kësaj, do të diskutohet bashkëpunimi me Zyrat e Punes për të siguruar mundësi punësimit për anëtarët e komunitetit të njerëzve që nuk dëgjojnë, me qëllim pavarësinë e tyre në jetën e përditshme.

Takimi me komunitetin do të mbahet më date 5 Nëntor në orën 10.00 deri në orën 13.00.

Ju mirëpresim!